Genèse

8 Apré sa i mouri. Lò i mouri i té gen roun bèl ti-laj, i viv lontan é i gen tan byen profité, é i alé jwenn so pèp. 29 Roun jou, Jakòb té ka bouyi lanti lò Ézayu soti lakanpagn, i té tou las. 30 Alòr Ézayu di Jakòb : « Fè vit souplé, bay mo roun tibi lasoup rouj to gen la pas mo las pou mouri. » A pou sa yé aplé l’ Édòm. 31 Jakòb di : « Anvan sa, drwa to gen pas to sa prémyé garson-an, vandé l’ pou mo. » 32 Ézayu réponn : « Mo paré pou mouri ! Kisa mo ké fè ké sa drwa prémyé garson-an ? » 33 Mé Jakòb di ankò : « Promèt mo sa douvan Bondjé anvan ! » Alòr i fè sa promès-a douvan Bondjé é i vandé so drwa pou Jakòb, drwa i té gen pas i té sa prémyé garson-an. 34 Atò, Jakòb bay li dipen ké lanti. Ézayu manjé é i bwè. Apré sa, i lévé épi i pati. A konsa Ézayu méprizé so drwa, drwa i té gen pas i té sa prémyé garson-an.