2 Rois

11 Alòr Naamann lévé faché é i pati toupannan i té ka di : « Mo té di annan mo tchò : “I ké vin jwenn mo é i ké dibout douvan mo. Apré sa i ké priyè Jéova so Bondjé, i ké pasé so lanmen asou mo lalèp pou géri l’.” 12 Ès larivyè Abana ké Farpar ki Damas, pa pi bon pasé tout larivyè i gen Israyèl ? Ès mo pa pouvé alé lavé annan yé pou mo géri ? Atò, i bay viré é i roupati byen kòlè. 13 Mé so sèrvitèr-ya alé wè l’ é yé di li : « Sényèr, si profèt-a té di to fè roun bagaj ki rèd, to té ké fè l’, pa vré ? Sèl bagaj i di to, a : “Alé lavé épi to ké géri”, alòr poukisa to pa ka fè sa i di to fè-a ? » 14 Atò, Naamann désann annan Jourden-an épi i plonjé annan l’ sèt fwa, kou wonm vré Bondjé-a té di l’ fè. Alòr so lachè roudivini kou lachè roun tibolonm, é i géri.