Romains

2 Pas, men sa mo pouvé di asou yé : Yé gen balan pou Bondjé, mé yé pa djè ka konprann sa Bondjé lé. 3 A sa menm paské yé pa konnèt jistis Bondjé, mé yé ka chaché mété yé pròp jistis, yé pa ka soumèt yé kò anba jistis Bondjé. 4 Pas Kris, a lafen Lalwa-a, pou Bondjé wè tout sa ki ka montré yé gen lafwa kou dé moun ki jis. 9 Paské si to ka di ké to bouch douvan tout moun ki Jézi sa Sényèr-a, é si to gen lafwa annan to tchò ki Bondjé résisité l’, to ké sové. 10 Paské a ké so tchò roun moun ka montré i gen lafwa pou divini jis douvan Bondjé, mé a ké so bouch i ka di douvan tout moun ki i gen lafwa pou i sové. 12 A vré, i pa gen pyès diférans ant Jwif ké Grèk. A menm Sényèr-a ki laro yé tout, i ka bay sa-ya ki ka aplé l’ roun patché bénédiksyon, san konté. 13 Paské « tout sa ki ké aplé non Jéova-a ké sové ». 14 Mé, kouman yé ké pouvé aplé li si yé pa gen lafwa annan li ? É kouman yé ké rivé gen lafwa annan li si yé pa jen tandé palé di li ? Kouman yé ké tandé si pyès moun pa ka préché ? 15 É kouman yé ké fè alé préché, si pyès moun pa voyé yé ? Kou sa marké : « Gadé kouman pyé tout sa-ya ki ka alé di bon nouvèl bèl ! » 16 Mé, a pa yé tout ki obéyi bon nouvèl-a. Izayi di : « Jéova, kimoun ki mété so  lafwa annan sa i tandé nou di ? » 17 A konsa nou pouvé gen lafwa grasa sa nou ka tandé. É si nou ka tandé, a paské roun moun ka palé di Kris.