1 Samuel

17 Samiyèl di : « Lò to divini chèf asou nasyon Israyèl-ya, lò Jéova chwazi to pou divini rwa asou Israyèl, ès to pa té ka wè to kò kou roun moun ki pa enpòrtan ? 19 Poukisa to pa obéyi Jéova ? Poukisa to volé asou sa to ganyen apré lagèr-a ké vorasité é to fè sa ki mové pou Jéova ? » 22 Atò, Samiyèl di : « Kisa Jéova pi kontan ? Ès a sakrifis yé ka boulé nèt ké ròt kalité sakrifis ouben ès a obéyi sa Jéova ka di ? Asiré pa pitèt : A pa loutou fè roun sakrifis, a obéyi ki tout, é a pa loutou boulé lagrès mouton-yan, a kouté Bondjé ki tout. 23 Tounen so do bay Jéova, a menm bagaj ki lò roun moun ka fè divinasyon, é moun ki ka fè sa i pa gen drwa fè, a menm bagaj ki sa-la ki ka fè tchenbwa é ki ka adoré zidòl. Jéova ka mété to asou koté nèt é to pa ké rwa ankò paské to pa asèpté kouté so paròl. »