1 Samuel

2 Alòr David doumandé Jéova : « Ès mo divèt alé briga ké Filisten-yan ? » É Jéova réponn li : « Alé ! Briga ké Filisten-yan é sové Kéyla. » 3 Mé wonm-yan ki té ké David di li : « Kouté ! Nou isi-a, an Jida, é nou ja pè. Sa ké pi rèd si nou ka alé Kéyla pou briga ké larmé Filisten-yan ! » 4 Donk David viré doumandé Jéova menm bagaj-a. É Jéova réponn li : « Alé Kéyla paské mo ké fè to ganyen asou Filisten-yan. » 16 Roun jou, Jonatan, pitit Sayil, alé Orèch pou wè David, é i idé l’ fè Jéova plis konfyans. 17 I di li : « Pa pè, paské mo papa, Sayil, pa ké rivé trouvé to ; to ké divini rwa Israyèl, é mo menm, mo ké vin apré to. Mo papa byen savé sa li memn osi . » 18 Alòr, David ké Jonatan fè roun alyans douvan Jéova. David rété Orèch, é Jonatan rantré an so kaz. 26 I rivé pa roun bò montangn-an, alòr ki David té asou ròt bò montangn-an. David ké wonm-yan ki té ké li, fè vit pou chapé anba lanmen Sayil, mé Sayil ké wonm-yan ki té ké li té ka proché plizanplis di yé pou tchenbé yé. 29 David pati épi i rété annan plizyèr koté ki pa té fasil pou alé, bò d’ Èngédi.