Isaïe

7 Pannan lépòk Akaz, rwa Jida ki té sa pitit Jotam ki li menm té sa pitit Ozyas, plizyèr rwa monté pou ataké Jérizalèm, a té Rézin rwa Siri ké Péka rwa Israyèl ki té sa pitit Rémalia. Yé alé, mé yé pa rivé pran vil-a. 2 Men nouvèl moun-yan ki té ka rété annan kaz David rousouvwè  : « Siri fè roun alyans ké Éfrayim. » Akaz ké pèp-a koumansé tranblé, kou lò gro van ka soukouyé féy pyébwa annan danbwa. 3 Alòr Jéova di Izayi : « Souplé, alé jwenn Akaz, to ké to pitit Chéar-Jachoub, annan bout kannal rézèrvwar-a ki laro, òbò gran larout-a koté moun-an ki ka lavé lenj gen so chan. 4 To ké divèt di li : “A pou to rété kalm. Pa pè é pa dékourajé akoz di sa dé moso bwa boulé-ya ka fè lafimen toujou, akoz di Rézin, rwa Siri-a, ké pitit Rémalya-a ki kòlè séryé. 10 Jéova kontinyé palé pou Akaz, i di l’ : 11 « Doumandé Jéova to Bondjé bay to roun sign. Sign-an ké pouvé fon kou Tonm-an ouben rot kou syèl-a. » 12 Mé Akaz réponn : « Mo pa ké doumandé anyen, é mo pa ké tèsté Jéova. » 14 A pou sa, Jéova li menm ké bay zòt roun sign : Jenn fanm-an ké ansent é i ké fè roun tibolonm, é i ké aplé l’ Émanyèl. 16 Pas, anvan tibolonm-an konnèt tounen do bay sa ki mové é chwazi fè sa ki bon, i pa ké gen pyès moun ankò annan péyi sa dé rwa-ya ki ka fè to pè.