Actes

23 Toupannan Pòl té ka gadé moun Sanédren-an drèt annan yé wéy, i di : « Mo frè-ya, mo toujou aji ké roun bon konsyans douvan Bondjé, jik jòdla. » 2 Lò i tandé sa, Ananyas, gran prèt-a, bay moun ki té dibout òbò Pòl lòrd pou yé frapé li asou so bouch. 3 Atò, Pòl di li : « Bondjé ké frapé to, to menm mir yé blanchi ! To asiz la pou jijé mo soulon Lalwa Bondjé-a, épi an menm tan to ka dézobéyi Lalwa-a, to ka fè yé frapé mo ? » 4 Atò, moun-yan ki té dibout la rélé : « To ka jouré gran prèt Bondjé-a ! » 5 Pòl réponn yé : « Mo frè-ya, mo pa té savé ki a té gran prèt-a. Paské men sa ki ékri : “To pa divèt jouré roun moun ki chèf annan to pèp.” » 6 Pòl té savé ki annan Sanédren-an, i té gen sadiséyen ké farizyen. Donk i rélé : « Mo frè-ya, mo sa roun farizyen, mo papa ké mo gangan té farizyen. A paské mo ka krè annan rézirèksyon moun mouri-ya, a pou sa yé ka jijé mo ! » 11 Mé landimen aswè, Sényèr-a vini òbò li é i di li : « Kouraj ! Paské, menm fason to bay roun bèl témwanyaj asou mo lò to té Jérizalèm, a pou to bay roun témwanyaj lò to ké rivé Ròm osi. » 12 Lò jou louvri, Jwif-ya fè roun konplo kont Pòl é yé di ki janmen Bondjé yé pa té ké ni manjé ni bwè anvan yé tchwé l’. 13 I té gen plis pasé 40 moun ki fè sa promès-a. 35 I di : « Mo ké byen kouté to problèm lò sa-ya ki ka akizé to ké rivé. » Épi i di mété roun moun pou véyé Pòl annan palè Éròd-a.