Psaume

15 O Jéova, kimoun to ké envité rété annan to tant ? Kimoun ki ké pouvé rété annan to montangn ki sen ? 2 A sa-la ki ka maché drèt, ki ka fè sa ki jis é ki ka di lavérité annan so tchò. 3 I pa ka malpalé asou moun pou sali yé répitasyon, i pa ka fè so konpanyen pyès mové bagaj é i pa ka malpalé so zanmi. 4 I pa ka rété ké mové moun, mé i ka onoré sa ki gen lakrent pou Jéova. I pa ka rouvini anlè so promès, menmsi a mové bagaj sa ka mennen pou li. 5 I pa ka prété so soumaké pou fè bénéfis é i pa ka asèpté soumaké anba tab kont roun moun inosan. Roun moun konsa pa ké janmen tonbé.