Genèse

2 pitit vré Bondjé-a wè kouman tifi wonm-yan té jòlòt. Atò, yé koumansé pran tout fanm yé té lé pou yé divini yé madanm. 5 Alòr Jéova wè ki méchansté moun-yan té plen latè-a é ki tousa yé té ka kalkilé annan yé tchò a té yenki mové bagaj. 6 Jéova rigrété i fè moun asou latè-a, é i vin gen lapenn. 8 Mé Noé té ka fè Jéova plézi. 9 Men istwè Noé. Noé té sa roun wonm ki té jis. I pa té kou moun so lépòk, i té drèt annan tousa i té ka fè. Noé té ka maché ké vré Bondjé-a. 13 Alòr Bondjé di Noé : « Mo désidé fini ké tout moun asou latè-a, paské latè-a plen ké vyolans akoz di yé ; donk mo ké détrwi yé é mo ké ravajé latè-a. 14 Fè roun arch ké bwa. To ké fè plizyèr koté annan arch-a é to ké divèt kouvri li ké goudron andidan ké dèrò. 18 Mo ka fè roun alyans ké to ; é to ké divèt antré annan arch-a, to ké to pitit, to madanm ké madanm to pitit-ya. 19 Fè dé zannimo di chak ras, mal ké fimèl, antré annan arch-a pou yé rété vivan ansanm ké to. 22 É Noé fè tousa Bondjé té di li fè. A konsa i fè èkzaktéman !