Genèse
7 Apré sa, Jéova di Noé : « Antré annan arch-a, to ké tout to fanmi, paské mo wè ki to jis, to pa kou sa jénérasyon-an. 11 An lannen 600 di lavi Noé, 2è mwa-a, 17è jou-a, tout sours dlo-ya annan syèl-a fandé é syèl-a louvri. 13 Sa jou-a, Noé antré annan arch-a ké so garson, Sèm, Kam, ké Jafèt, épi ké so madanm ké madanm so garson osi. 16 Donk, tout kalité zannimo, mal ké fimèl, antré kou Bondjé té di Noé. Apré sa, Jéova fronmen lapòt-a dèyè Noé. 23 Konsa Bondjé fè disparèt tousa ki té ka èkzisté asou latè-a : moun-yan, zannimo-ya, zannimo ki ka ralé asou yé vant é zannimo ki ka volé. Yé tout disparèt di latè-a. A Noé ké tout sa ki té annan arch-a ké li rounso ki rété vivan.