Luc

19 Apré sa, i antré Jériko é i té ka pasé annan vil-a. 2 É la, i té gen roun wonm yé té ka aplé Zaché. A té roun chèf annan sa-ya ki té ka ranmasé enpo, é i té rich. 3 I té ka éséyé wè a té kimoun Jézi, mé i pa té ka rivé pas i té gen tròp moun, é li menm té toupiti. 4 Atò i kouri pou i alé pi douvan, é i monté asou roun pyébwa pou wè Jézi, pas a sa chimen-an i té ké pran. 5 Lò Jézi rivé la, i lévé so wéy é i di Zaché : « Zaché, désann, fè vit, pas mo ka vin an to kaz jòdla. » 6 Atò Zaché désann vitman é i rousouvwè l’ ké bokou lajwa. 7 Lò moun-yan wè sa, yé tout koumansé rounourounou, yé di : « I doumandé roun wonm rousouvwè l’, magré sa wonm-a ka péché. » 9 Alòr Jézi di li : « Jòdla, Bondjé sové sa mouché-a ké so fanmi, paské li menm osi sa roun pitit Abraam. 10 Pas Pitit wonm-an vini chaché sa ki té pédi é i vini pou sové yé. » 11 Kou yé té ka kouté l’, Jézi bay rounòt èkzanp, paské i té bò di Jérizalèm é moun-yan ki té ka kouté li té ka krè ki rwayonm Bondjé-a té ké parèt lanmenm. 36 Kou i té ka avansé, moun-yan té ka louvri yé lenj atè asou larout-a. 37 Lò i vin tou pròch larout ki ka désann dipi montangn Zoliv-ya, tout disip-ya, yé té bokou menm, koumansé fè lafèt ké louwé Bondjé fò pou tout mirak yé té wè. 38 Yé té ka di : « A pou tout moun béni Rwa-a ki ka vini o non di Jéova ! A pou i gen lapè annan syèl-a, ké laglwar laro annan syèl-a ! » 39 Mé, roun ran farizyen ki té la di li : « Ansényan, rouprann to disip non. » 40 Mé i réponn yé : « Mo ka di zòt sa, si yé té ka fronmen yé bouch, ròch-ya menm té ké rélé. » 41 Lò i rivé bò d’ Jérizalèm, i gadé vil-a é i pléré pou li,