Proverbes

9 A pa ti kléré limyèr moun ki jis ka kléré, mé lalanp moun ki mové ké étenn. 10 Lò roun moun ka fè bagaj i pa gen drwa fè, a yenki blo sa ka mennen, mé sajès-a, a di sa-ya ki ka doumandé moun bay yé konsèy. 11 Richès roun moun ka trouvé vitman ké fini vit, mé richès roun moun ka ranmasé piti piti ké vin gro. 12 Lò to ka antann roun bagaj lontan, to tchò ka vin malad, mé lò sa to té lé-a ka fèt a kou roun pyébwa ki ka bay lavi. 16 Moun-an ki ka pran tan byen réfléchi ka aji ké sajès, mé moun-an ki sòt ka fè tout moun wè kouman i sòt. 20 Moun-an ki ka maché ké moun ki saj ké gen sajès, mé sa-la ki ka frékanté moun ki sòt ké gen traka. 24 Sa-la ki pa ka bay kout baton rayi so pitit, mé sa-la ki kontan so pitit pa ka ézité korijé l’. 25 Moun-an ki drèt ka manjé, é so vant plen ; mé moun-an ki mové, so vant vid.