Job

2 Aprézan, mo savé to pouvé fè tout bagaj é i pa gen anyen ki pouvé anpéché to fè sa to lé fè. 3 To di : “A kimoun ki ka défòrmé sa mo désidé san i pa gen konésans ?” Donk mo palé, mé mo pa té ka konprann bagaj ki té tro gran pou mo, bagaj mo pa konnèt. 5 Mo zorè té tandé palé di to, mé, aprézan, mo ka wè to ké mo pròp wéy. 6 A pou sa mo ka tiré sa mo di é mo ka répanti annan lapousyè ké annan sann-an. » 8 Donk aprézan, pran sèt béf ké sèt mouton, é alé wè mo sèrvitèr Jòb épi ofri mo roun sakrifis yé ka boulé nèt, pou zòt kont. Mo ké fè sa i ké doumandé mo fè : mo pa ké aji ké zòt dapré bagaj sòt zòt di. Paské zòt pa fè kou mo sèrvitèr Jòb, zòt pa di lavérité asou mo. » 9 Atò Élifaz Témanit-a, Bildad Chouwit-a ké Zofar Naamatit-a alé fè sa Jéova té di yé fè. É Jéova kouté lapriyè Jòb. 10 Lò Jòb fin priyè pou so konpanyen, Jéova fè tout so éprèv fini é i roubay li tout so richès. Jéova bay li défwa plis ki sa i té gen anvan. 13 I fè sèt ròt garson ké trwa ròt tifi osi. 17 Finalman Jòb mouri, i viv lontan ké tchò kontan.