2 Thessaloniciens

3 Mo frè-ya, pou nou menm, nou oblijé toujou di Bondjé mèrsi pou zòt. É nou gen rézon fè sa paské zòt lafwa ka vin plizanpli fò é lanmou zòt tout gen pou zòt konpanyen ka vin pi fò. 4 A pou sa, nou menm nou ka palé di zòt ké fyèrté toupatou annan asanblé Bondjé, paské zòt ka tchenbé rèd é paské zòt gen lafwa magré tout pèrsékisyon ké tout traka zòt ka jwenn. 6 Pas vréman, sa jis pou Bondjé fè sa-ya ki ka fè zòt soufri, soufri osi. 7 Mé zòt ki ka soufri, zòt ké gen roun soulajman ansanm ké nou lò Sényèr Jézi ké parèt annan syèl-a ké so zanj pwisan-yan 8 annan roun gro difé, lò i ké pini sa-ya ki pa konnèt Bondjé ké sa-ya ki pa ka obéyi bon nouvèl-a asou nou Sényèr Jézi . 9 Yé santans a ké lanmò pou tout-tan, é yé ké disparèt douvan Sényèr-a ké douvan so gran fòrs.