Deutéronome

7 « Si zòt ka anprann ki roun moun dap so frè israyélit, malmennen l’ épi vandé l’, sa-la ki fè sa divèt mouri. Zòt ké tiré tout mové bagaj ki anmitan zòt. 14 « To pa divèt profité anlè roun moun ki ka travay pou to ki pa gen anyen é ki maléré, ki a roun annan to frè-ya ouben roun étranjé ki annan to péyi, annan to vil. 15 To ké bay li so soumaké menm jou-a, anvan solèy-a kouché, paské i maléré é so lavi ka dépann di so soumaké i ka touché. Si to pa ka fè sa, i ké alé plenn so kò douvan Jéova akoz di to, é a ké roun péché pou to. 16 « Yé pa ké tchwé papa-ya akoz di sa yé timoun fè, é yé pa ké tchwé timoun-yan akoz di sa yé papa fè. Yé ké tchwé roun moun pou sopa péché rounso. 17 Lò to ka jijé roun étranjé ouben roun moun ki pa gen papa ankò, to divèt fè l’ di roun fason ki jis, é lò to ka prété roun vèv roun bagaj, to pa divèt tchenbé so lenj jistan i viré bay to to bagaj.