1 Samuel
3 Lò David ké wonm-yan ki té ké li rivé Ziklag, yé wè ki yé té boulé vil-a é ki yé té pran yé madanm, yé tiboug ké yé tifi pou mennen yé alé ké yé. 4 Atò yé mété pléré atè jistan yé pa té gen fòrs pou pléré ankò. 6 David té ka enkyété bokou, paské so sòlda té ka ménasé li tchwé l’ ké ròch. É a vré ki yé tout té faché paské yé té pédi yé tiboug ké yé tifi. Mé David trapé kouraj grasa Jéova so Bondjé. 7 Donk David di Abyatar, prèt-a, pitit Ayimélèk : « Mennen éfòd-a isi-a souplé. » Atò Abyatar mennen éfòd-a. 8 David doumandé Jéova : « Ès a pou mo kouri dèyè sa bann volèr-ya ? Ès mo ké rivé ratrapé yé ? » É Bondjé réponn li : « Kouri dèyè yé ! To ké ratrapé yé é to ké délivré prizonyé-ya. » 24 Nou pa pouvé asèpté sa zòt ka di-a ! Sa-la ki alé briga ké rousouvwè menm kantité ké sa-la ki rété pou véyé bagaj-ya. Yé tout ké rousouvwè menm kantité-a.