Psaume

19 Syèl-a ka fè moun konnèt laglwar Bondjé ; Syèl-a ka fè moun konnèt sa i fè ké so lanmen. 2 Jou apré jou i ka kontinyé palé, é lannwit apré lannwit, i ka fè moun konnèt Bondjé. 3 A pa palé i ka palé, é a pa paròl i ka di ; nou pa ka tandé so lavwa. 7 Lalwa Jéova parfè, i ka roubay moun fòrs. To pouvé fè avèrtisman Jéova-a konfyans, i ka bay sa-la ki pa gen èspéryans sajès. 8 Lòrd Jéova ka bay, yé tout jis, yé ka fè nou tchò kontan ; koumannman Jéova-a sen, i ka fè wéy-ya kléré . 9 Lakrent di Jéova sen, i ka rété pou tout tan. Jijman Jéova vré, yé tout jis. 11 A yé ki avèrti to sèrvitèr ; lò to ka rèspèkté yé, to ka trapé roun gran rékonpans. 14 A pou sa mo ka di ké sa mo ka réfléchi annan mo tchò fè to plézi, o Jéova, mo gro Ròch ké Sa-la ki ka sové mo !