Malachie

7 Paské a prèt-a ki divèt ansényé moun konésans-a asou Bondjé, é a li moun-yan divèt alé wè pou konnèt sa lalwa-a ka di, pas a li Jéova chèf larmé-ya chwazi pou i sa so mésajé. 13 « Epi i gen rounòt bagaj zòt ka fè é akoz di sa, lotèl Jéova-a kouvri ké dlo wéy, ké pléré ké lapenn, a pou sa i pa ka gadé pou zòt ofrann ankò é i pa ka asèpté anyen di sa zòt ka bay li ankò. 14 É zòt ka doumandé : “Mé poukisa ?” A paské Jéova aji kou roun témwen ant to ké to madanm, pas to trayi madanm-an to gen dipi to jenn, alòr ki a to zanmi é to té fè roun alyans ké li. 16 Paské mo rayi divòrs-a, a sa Jéova Bondjé Israyèl-a ka di, é mo rayi osi sa-la ki ka kouvri so lenj ké vyolans, a sa Jéova chèf larmé-ya ka di. Panga kouman zòt ka réfléchi é a pa pou zòt trayi pyès moun.