Luc

15 Tout sa-ya ki té ka ranmasé enpò ké moun-yan ki té ka fè péché té ka rasanblé alantou Jézi pou kouté l’. 2 É ni farizyen-yan ni èskrib-ya té ka rounourounou : « Sa wonm-an ka asèpté moun ki ka fè péché épi i ka manjé ké yé. » 3 Atò i bay yé sa èkzanp-a : 4 « Si roun annan zòt gen 100 mouton épi i ka pédi roun annan sa mouton-yan, ès i pa ké lésé 99 ròt-ya koté yé ka manjé-a la, pou alé chaché sa-la ki pédi-a jistan i trapé l’ ? 5 Épi lò i trapé l’, i ka mété l’ asou so zépol épi i ka fè lafèt. 6 Épi, lò i viré an so kaz, i ka aplé so zanmi ké so vwazen, é i ka di yé : “Vin fè lafèt ké mo, paské mo trapé mo mouton ki té pédi.” 7 Mo ka di zòt ki menm fason-an, i ké gen plis lajwa annan syèl-a pou roun péchèr ki ka répanti ki pou 99 moun ki jis ki pa bézwen répanti. 9 Lò i trapé l’, i ka aplé so zanmi ké so wazin, é i ka di yé : “Vin fè lafèt ké mo paské mo trapé drak mo té pédi-a.” 10 Mo ka di zòt ki, menm fason-an, zanj Bondjé-ya ka fè lafèt pou rounsèl péchèr ki ka répanti. 13 Plizyèr jou pita, pli piti-a pran tousa ki té di li épi i pati annan roun péyi ki té byen lwen. Lò i rivé la, i mennen roun vyé lavi épi i gaspiyé tousa i té gen. 17 « Lò i konprann sa i té fè, i di : “Tout sa ki ka travay pou mo papa gen yé kont manjé, mé mo menm mo la ka mouri di fen ! 20 Donk i koumansé pran larout-a pou routounen koté so papa. Menmsi i té lwen toujou, so papa wè li é i koumansé gen lapenn annan so tchò pou li. I kouri jwenn li, i pran li annan so bra épi i bo l’ ké tandrès. 21 So pitit di li : “Papa, mo péché kont syèl-a épi kont to osi. Mo pa ka mérité yé aplé mo to pitit ankò.” 24 Paské mo pitit té mouri, mé aprézan i vivan ; i té pédi, mé aprézan i viré.” É yé koumansé fè lafèt.