2 Chroniques

6 I fè yé boulé so pròp pitit annan koté yé ka aplé valé Pitit Inon. I fè lamaji, i alé wè plizyèr gadò, i fè tchenbwa épi i mété moun pou fè gadò annan péyi-a ké moun ka fè moun konnèt sa ki ké rivé dimen. A pa ti mové bagaj i fè douvan Jéova pou provoké l’. 10 Jéova kontinyé palé pou Manasé ké so pèp, mé yé pa kouté. 11 A pou sa Jéova fè chèf larmé rwa Asiri-a ataké yé ; yé tchenbé Manasé ké kroché, yé maré so pyé ké dé moso kwiv épi yé mennen l’ Babilòn. 12 Annan so malò, i sipliyé Jéova so Bondjé ; a ké tout so tchò i té ka fè so kò toupiti douvan Bondjé so gangan-yan. 13 I té ka priyè l’, i té ka sipliyé l’, é sa touché Bondjé, i tandé sa i té ka doumandé li ; atò, i fè li rouvini Jérizalèm é i fè li roudivini rwa. A konsa Manasé vin savé ki Jéova sa vré Bondjé-a. 15 Apré sa, i fè fo bondjé-ya disparèt ké zidòl-a ki té annan tanp Jéova-a, ansanm ké tout lotèl-ya i té fè annan montangn tanp Jéova-a ké annan Jérizalèm, é i fè yé jité yé tout dèrò vil-a. 16 I ranjé osi lotèl Jéova-a épi i koumansé bay sakrifis pou lapè asou l’ ké sakrifis rékonésans, é i doumandé Jida adoré Jéova Bondjé Israyèl-a.