Job

2 Épi jou-a rivé pou pitit vré Bondjé-a antré pou vini douvan Jéova, é Satan osi antré ké yé. 2 Alòr Jéova doumandé Satan : « Koté to soti ? » Satan réponn Jéova : « Mo té ka promennen asou latè-a é mo té ka gadé sa ki té ka pasé asou l’. » 3 Épi Jéova réponn Satan : « Ès to wè mo sèrvitèr Jòb ? I pa gen pyès moun kou li asou latè-a. A roun wonm fidèl ki drèt annan so zafè, ki gen lakrent pou Bondjé é ki ka bay do pou sa ki mové. » I toujou fidèl annan tout bagaj menmsi to ka éséyé fè mo tchwé l’ pou anyen. » 4 Mé Satan réponn Jéova : « Lapo pou lapo ! Roun moun ké bay tousa i gen pou so lavi. 5 Mé pou chanjé, lonjé to lanmen épi frapé so zo ké so lachè, é asiré pa pitèt, i ké gadé to anmitan to wéy pou i modi to. » 6 Alòr Jéova di Satan : « Gadé ! Pran tousa i gen ! Mé sèl bagaj, pa tchwé l’ ! » 7 Satan soti douvan Jéova é i bay Jòb patché gro bouton ki té ka fè li mal, dipi so pyé jik laro so tèt. 8 Atò Jòb asiz annan sann-an épi i pran roun moso arjil dou pou graté so kò ké l’. 9 Anplis di sa, so madanm di li : « Ès to ké kontinyé rété fidèl ? Modi Bondjé épi mouri ! » 10 Mé i di li : « To ka palé kou roun fanm sòt. Ès a yenki bon bagaj nou divèt asèpté vré Bondjé-a bay nou ? Ès nou pa divèt asèpté sa ki mové osi ? » Magré tout mizè Jòb wè, i pa fè pyès péché ké so bouch. 13 Épi yé rété asiz atè ké li pannan sèt jou ké sèt lannwit. Yé pyès pa palé pou li, paské yé té ka wè kouman i té ka soufri bokou.