Hébreux

2 A pou sa nou divèt tchenbé kont di bagaj nou tandé, ankò plis ki sa nou gen labitid fè, pou nou pa janmen lésé anyen fè nou pédi nou chimen. 7 To fè l’ roun ti moso pi bas pasé zanj-ya é to bay li laglwar kou roun kouròn asou so tèt. 8 To mété tout bagaj anba so otorité. » Lò Bondjé mété tout bagaj anba so otorité, i pa lésé anyen ki pa anba so otorité. Mé atchèlman, nou pòkò ka wè ki tout bagaj anba so otorité. 9 Mé nou ka wè Jézi. Aprézan i plen ké laglwar ké lònò paské i soufri jistan i mouri. Bondjé té mété li roun tibi pi bas ki zanj-ya pou i mouri pou tout moun grasa favèr Bondjé nou pa mérité-a. 14 Donk, kou « timoun » fèt ké lachè ké disan, li menm osi divini roun moun fèt ké laché ké disan, pou i pouvé, grasa so lanmò, krazé sa-la ki pouvé fè moun mouri, sa lé di Djab-a, 18 Kou li menm soufri lò i té annan éprèv, i pouvé idé sa-ya ki annan éprèv.