Isaïe

8 Pas mo té kòlè dèyè to toubonnman, mo arété gadé pou to pannan roun tan. Mé pas mo lanmou fidèl la pou tout-tan, mo ké gen pityé pou to », a sa Jéova, Sa-la ki ka sové to-a, ka di. 13 É Jéova ké ansényé tout to pitit, é to pitit ké gen roun gran lapè. 14 To ké byen dibout annan lajistis. Pyès moun pa ké dominé to ké méchansté ; to pa ké bézwen pè anyen é i pa ké gen anyen ki ké fè to pè, paské sa bagaj-ya pa ké vin òbò to. 15 Si roun moun ka ataké to, a pa mo ki ké di l’ fè sa. Nenpòrt kimoun ki ké ataké to i ké tonbé akoz di to. » 17 Alòr, pyès zarm yé ké fè pou fè to mal pa ké fè to anyen. É to ké kondané tout moun ki ké akizé to pou jijé to. A sa éritaj-a Jéova ka bay so sèrvitèr-ya, é mo ka wè yé kou moun ki jis », a sa Jéova ka di.