Révélation

2 É mo wè, gadé ! roun chouval blan, é so kavalyé té gen roun lark ; yé bay li roun kouròn, é i soti kou roun moun ki ganyen, pou fini ganyen asou so lèlmi. 3 Lò Timouton-an louvri dézyèm so-a, mo tandé dézyèm kréyatir vivan-an di : « Vini ! » 4 Rounòt chouval soti, i té gen koulèr difé ; é yé bay so kavalyé pouvwar pou tiré lapè ki té asou latè-a pou moun asou latè-a tchwé yé konpanyen, é yé bay li roun gran zépé. 5 Lò Timouton-an louvri trwazyèm so-a, mo tandé trwazyèm kréyatir vivan-an di : « Vini ! » É mo wè, gadé ! roun chouval nwè, é moun-an ki té asiz asou l’ té gen roun balans annan so lanmen. 6 Mo tandé roun bagaj kousidiré a té roun vwa anmitan kat kréyatir vivan-yan, ki di : « Vini ! » Roun lit blé pou roun dényé, é trwa lit lòrj pou roun dényé, é pa gaspiyé dilwil zoliv-a ni diven-an. » 7 Lò Timouton-an louvri katriyèm so-a, mo tandé vwa katriyèm kréyatir vivan-an di : « Vini ! » 8 É mo wè, gadé ! roun chouval blenm é moun-an ki té asiz asou l’, so non a té Lanmò. É Tonm-an té tou pròch dèyè l’. Yé bay li pouvwar asou roun kartyé latè-a, pou tchwé ké roun zépé ki long, ké lafamin, ké épidémi, épi ké bèt féròs asou latè. 10 Yé rélé byen fò, yé di : « Souvéren Sényèr, to ki sen é ka di lavérité, kitan to ké jijé moun ka viv asou latè-a, é kitan to ké vanjé nou disan ? » 16 Épi yé té ka répété pou montangn-yan ké ròch-ya : « Tonbé anlè nou épi séré nou pou sa-la ki asiz asou tronn-an pa wè nou é protéjé nou di Timouton-an ki kòlè.