Psaume

4 Paské paròl Jéova-a drèt é nou pouvé gen konfyans annan tousa i ka fè. 5 I kontan sa ki jis ké sa ki drèt. Latè-a plen ké bagaj ki ka montré lanmou fidèl Jéova-a. 6 A grémési paròl Jéova-a si syèl-a fèt, épi a grémési souf-a ki soti di so bouch si tout bagaj ki annan l’ fèt. 10 Jéova fè projè nasyon-yan tonbé a dlo ; i anpéché pèp-ya fè yé projè. 12 Nasyon-an so Bondjé a Jéova, so tchò kontan, pèp i chwazi-a pou i sa so pèp. 18 Gadé ! Wéy Jéova-a ka protéjé sa-ya ki ka krenn li, sa-ya ki ka konté asou so lanmou fidèl, 19 pou i libéré yé di lanmò-a é pou i fè yé rété vivan lò i gen lafamin. 20 Nou ka antann Jéova. A li ki ka sové nou, i sa nou boukliyé. 21 A li ki ka fè nou tchò kontan, paské nou ka mété nou konfyans annan so non ki sen. 22 A pou to lanmou fidèl rété asou nou, o Jéova, toupannan nou ka kontinyé antann to.