Daniel

12 « Pannan sa tan-an, Michèl ké lévé, gran prens-a ki la pou to pèp. É sa tan-an ké rèd toubonnman, roun tan malò ki pòkò janmen rivé dipi roun nasyon ka èkzisté jouktan sa tan-an rivé. Pannan sa tan-an, to pèp, sa lé di tout moun-yan ki gen yé non marké annan liv-a, ké sové. 2 É bokou annan sa-ya ki pran somèy annan lapousyè latè-a ké lévé, roun ran ké gen lavi pou tout-tan-an é rounòt ran ké jwenn ronté ké mépri pou tout-tan. 3 « Sa-ya ki pèrspikas ké kléré kou syèl-a, é sa-ya ki ka idé bokou moun fè sa ki jis ké kléré kou zétwèl-ya, pou tout-tan. 4 « Kanta to, Danyèl, pa fè pyès moun konnèt sa paròl-ya épi maré liv-a jistan lafen-an rivé. Bokou moun ké fouyé annan sa liv-a, é vré konésans-a ké vini bokou. » 8 É mo menm, mo tandé, mé mo pa konprann anyen, donk mo doumandé : « O mo sényèr, kouman tousa ké fini ? » 9 I di mo : « Alé, Danyèl, paské sa paròl-ya divèt rété séré é yé divèt rété fronmen jistan lafen-an rivé. 10 Bokou moun ké pirifyé yé kò, yé ké mété yé kò a lablanni, yé ké vin pi pròp. Moun méchan-yan ké aji ké méchansté, é pyès moun méchan pa ké konprann anyen ; mé sa-ya ki pèrspikas ké konprann tout bagaj. 12 « Sa-la ki ka kontinyé antann é ki ka rivé jis lafen 1 335 jou-ya, so tchò kontan ! 13 « To menm, kontinyé jiska lafen. To ké pozé to kò, é lò jou-ya ké fini, to ké lévé pou to gen to rékonpans. »