Psaume

46 Bondjé sa roun koté nou pouvé alé séré é i sa nou fòrs, i toujou paré pou idé nou lò nou gen problèm. 2 A pou sa nou pa ké pè, menmsi latè-a ka chanjé, menmsi montangn-yan ka tonbé annan lanmè-a, 3 menmsi dlo-ya ka grondé é ka tchoumen, menmsi montangn-yan ka tranblé paské lanmè-a déchéné. 5 Bondjé annan vil-a ; anyen pa pouvé krazé l’. Anvan jou louvri, Bondjé ké la pou idé l’. 6 Nasyon-yan té ka fè dézòrd, rwayonm-yan té ka tonbé ; i palé fò, é latè-a fonn. 7 Jéova chèf larmé-ya la ké nou ; Bondjé Jakòb sa roun koté nou pouvé alé séré. 9 I ka fè lagèr-ya fini nèt asou tout latè-a. I ka krazé ark-a é i ka kayakaya lans-a ; i ka boulé char-ya yé ka sèrvi pou fè lagèr. 10 « Soumèt zòt kò é a pou zòt savé ki a mo ki Bondjé ! Tout nasyon-yan ké bay mo laglwar ; tout moun asou latè-a ké bay mo laglwar. »