Proverbes

28 Moun mové-ya ka pran kouri menmsi i pa gen pyès moun dèyè yé. Mé moun ki jis kou lyon-an, yé pa pè. 5 Méchan-yan pa ka konprann lajistis, mé sa-ya ki ka chaché Jéova ka konprann tout bagaj. 6 Roun maléré ki drèt annan sa i ka fè miyò pasé roun moun ki rich é ki malonèt. 13 Sa-la ki ka séré so fot pa ké rivé, mé sa-la ki ka konfésé so fot é ki ka arété fè mové bagaj i té ka fè, yé ké fè l’ mizérikòrd. 14 Byennéré moun-an ki toujou ka panga, mé malò ké tonbé asou sa-la ki ka fè so tchò vin rèd. 20 Roun moun ki fidèl ké gen bokou bénédiksyon, mé sa-la ki lé divini rich vitman pa ké rété inosan. 26 Sa-la ki ka kouté sa so lidé ka di l’, a roun moun ki sòt, mé sa-la ki ka aji ké sajès ké chapé anba malò.