Deutéronome

3 « Pyès Amonit ni pyès Moabit pa ké pouvé antré annan asanblé Jéova-a. Menm annan dizyèm jénérasyon-an, yé pyès pa ké pouvé antré annan asanblé Jéova-a, 4 paské lò to soti Léjip, yé pa vini jwenn to a chimen pou bay to dlo ké manjé é paské yé péyé Balaam pitit Béòr, ki té di vil Pétòr an Mézopotami, pou i modi to. 5 Mé Jéova to Bondjé pa té lé kouté Balaam. Jéova to Bondjé pito fè malédiksyon-an divini roun bénédiksyon paské Jéova to Bondjé té kontan to. 6 Pannan tout to lavi, to pa ké divèt fè pyès bagaj pou yé jwenn lapè ni pou yé zafè maché.