Isaïe

2 Pannan dèrnyé jou-ya, montangn kaz Jéova-a ké byen asiz asou tèt tout montangn-yan, i ké rot pasé ti montangn-yan, é tout nasyon-yan ké vini òbò l’ é yé ké bokou. 3 Roun patché pèp ké alé la toupannan yé ké di : « Vini ! Annou monté asou montangn Jéova-a, annan kaz Bondjé Jakòb. I ké fè nou konnèt so chimen, é nou ké swiv sa i ké di nou. » Paské lalwa-a ké soti di Syon, paròl Jéova-a ké soti di Jérizalèm. 4 I ké jijé anmitan nasyon-yan é i ké ranjé zafè roun patché pèp. Yé ké fè yé zépé divini zouti pou rabouré latè é yé ké fè yé lans divini sèrp. Roun nasyon pa ké lévé so zépé kont rounòt nasyon, é yé pa ké anprann fè lagèr ankò.