Ézéchiel

2 I di mo : « Pitit wonm-an, dibout pou mo palé ké to. » 2 Lò i palé pou mo, lèspri Bondjé antré anlè mo é i fè mo dibout asou mo dé pyé pou mo kouté sa-la ki té ka palé pou mo. 3 Apré sa, i di mo : « Pitit wonm-an, mo ka voyé to wè pèp Israyèl-a, mo ka voyé to wè nasyon ki tounen yé do bay mo. Yé ké yé gangan, yé fè mové bagaj douvan mo jik jòdla. 4 Mo ka voyé to wè pitit ki tounen yé do bay mo, yé tèt rèd, é to ké divèt di yé : “Men sa Souvéren Sényèr Jéova-a ka di.” 5 Kanta yé menm, ki yé kouté ki yé pa kouté, paské sa pèp-a so tèt rèd, yé ké savé ki roun profèt té la anmitan yé. 6 « Mé to menm, pitit wonm-an, pa pè yé é pa pè sa yé ké di, menmsi to anmitan pikan é to ka rété ansanm ké èskòrpyon. A roun pèp so tèt rèd, mé a pa pou to pè sa yé ké di épi pa lésé yé vizaj fè to pè. 9 Mo gadé é mo wè roun lanmen douvan mo, é annan l’ i té gen roun roulo ké bagaj marké annan. 10 I louvri roulo-a douvan mo. I té ékri douvan ké dèyè. Asou sa roulo-a i té gen chanté dèy, ké bagaj ki ka fè moun jémi épi ki ka fè moun pléré.