Isaïe

5 I ké gen roun ki ké di : ‘Mo di Jéova.’ Rounòt ké pran non Jakòb ; rounòt ankò ké marké asou so lanmen : ‘A di Jéova’, é i ké fè moun aplé l’ Israyèl.” 7 Kimoun ki kou mo ? Lésé l’ palé fò, lésé l’ vin di sa épi montré mo ki i kou mo ! Lésé l’ di bagaj-ya ki ké fèt dimen ké sa ki ké vin apré sa ankò, kou mo fè l’ dipi mo fòrmé sa pèp tan-lontan-an. 8 A pa pou zòt pè, a pa pou sa fè zòt rété frèt. Ès mo pa palé anvan ké zòt chak ? Ès mo pa di zòt sa ? Zòt sa mo témwen. Ès i gen rounòt Bondjé si a pa mo ? Non i pa gen ròt gro Ròch ; mo pa konnèt pyès ròt gro Ròch.” » 9 Tout sa ki ka fè èstati, yé pa anyen é bagaj yé kontan pa ké sèrvi yé anyen. Yé sa dé témwen ki pa ka wè anyen é ki pa konnèt anyen ; a pou sa, sa-ya ki fè sa èstati-ya ké ronté. 22 Mo ké fè to fot disparèt kousidiré mo té ka kouvri yé ké roun niyaj, é mo ké fè to péché disparèt kousidiré mo té ka kouvri yé ké roun gro niyaj. Rouvini òbò mo, paské mo ké viré achté to. 27 sa-la ki ka di gro dlo-ya : “A pou zòt vini sèk, é mo ké fè zòt tout vini sèk”, 28 sa-la ki ka di asou Siris : “I sa mo bèrjé, é tousa mo lé i ké fè l’”, sa-la ki ka di asou Jérizalèm : “Yé ké roukonstrwi l’” é ki ka di Tanp-a : “Yé ké pozé to fondasyon.” »