Jérémie

8 Atò Barouk, pitit Nérya, fè tousa profèt Jérémi té di li fè : i alé annan tanp Jéova-a é i li paròl Jéova-ya ki té annan roulo-a byen fò. 14 Atò, tout prens-ya voyé Jéoudi, pitit Nétanya, ki té sa pitit Chélémya ki li menm té sa pitit Kouchi, di Barouk : « Pran roulo to li douvan moun-yan épi vini. » Barouk, pitit Nérya, pran roulo-a é i vini douvan yé. 15 Yé di li : « Asiz souplé, épi li sa roulo-a byen fò pou nou. » Donk, Barouk koumansé li roulo-a. 16 Lò yé tandé sa paròl-ya, yé gadé yé konpanyen, latranblad pran yé. Épi yé di Barouk : « Fo nou di rwa-a tout sa paròl-ya. » 17 É yé doumandé Barouk : « Souplé, di nou kouman to fè pou ékri tout sa paròl-ya. Ès a Jérémi ki di to sa to té divèt marké ? » 18 Barouk réponn : « Wi, a li ki di mo sa mo té divèt marké, é mo marké l’ annan roulo-a ké lank. » 19 Prens-ya di Barouk : « Alé séré zòt kò, to ké Jérémi, épi pa di pyès moun koté zòt fika. » 32 Atò, Jérémi pran rounòt roulo é i bay Barouk, pitit Nérya, sékrétèr-a, sa roulo-a. Apré sa, Jérémi di li tout paròl i té divèt ékri é ki té annan roulo rwa Joakim, rwa Jida-a, té boulé annan difé-a. É i marké patché ròt bagaj Bondjé té di li.