Proverbes

4 Moun-an ki fenyan ké wè mizè, mé moun-an ki ka travay rèd ké vin rich. 5 Pitit-a ki ka byen réfléchi ka rékòlté lò sézon botan rivé, mé pitit-a ki ka fè moun ronté ka dronmi rèd lò moun ka rékòlté. 15 Soumaké roun moun ki rich gen, a kou roun vil ki fò, byen protéjé. Moun-an ki maléré ka soufri pas i pa gen anyen. 16 Travay roun moun ki jis ka bay li lavi, mé salèr roun moun ki méchan, a péché-a. 19 Lò to ka palé tròp, to blijé péché, mé sa-la ki ka panga sa i ka di ka montré ki i gen sajès. 21 Lò roun moun ki jis ka palé, i ka gidé roun patché moun ; sa-ya ki sòt, yé menm, yé ka mouri paské yé pa gen bon sans. 22 A bénédiksyon Jéova-a ki ka fè nou divini rich, é i pa ka mennen pyès dézagréman ké li.