Néhémie
8 Yé té ka li liv-a, Lalwa vré Bondjé-a, pou tout moun tandé. Yé té ka byen èspliké l’ é yé té ka fè moun savé kisa sa té lé di. A konsa yé idé pèp-a konprann sa yé té ka li. 9 Néémi, ki té gouvèrnèr a sa moman-an, Èsdras ki té prèt ké èskrib, ké Lévit-ya ki té ka ansényé pèp-a palé pou tout pèp-a pou di yé : « Sa jou-a sen pou Jéova zòt Bondjé. A pa pou zòt an dèy épi pa pléré. » Paské tout pèp-a té ka pléré lò yé té ka tandé Lalwa-a. 10 Néémi di yé : « Alé, manjé bon bagaj é bwè bagaj ki chwit, é bay sa-ya ki pa gen anyen ki ja paré, moso manjé, paské sa jou-a sen pou nou Sényèr. É a pa pou zòt tris, paské lajwa ki ka vini di Jéova sa zòt fòrs. » 11 É Lévit-ya té ka rasiré pèp-a, yé té ka di : « Sa jou-a sakré, pa kriyé ! A pa pou zòt tris. »