1 Corinthiens

2 A pou sa, mo frè-ya, lò mo vin kòté zòt pou palé di sigré Bondjé ki sen-an, mo pa fè kousidiré mo té sa roun grangrèk. 2 Pas lò mo té ké zòt, mo désidé ki a di Jézi Kris sèlman mo té ké palé zòt, ké di so lanmò asou poto-a. 3 Lò mo vin koté zòt, mo té fèb, mo té pè é mo té ka tranblé ; 4 épi lò mo té ka palé ké lò mo té ka préché, a pa té gran kozé pou blijé zòt krè sa mo té ka di, mé mo paròl té ka montré pwisans lèspri sen-an, 5 pou zòt pa gen lafwa annan sajès moun, mé annan pwisans Bondjé. 6 A vré, nou ka palé di sajès sa-ya ki ja djòk, nou pa ka palé di sajès sa monn-an ni di sajès chèf sa monn-an ki ké disparèt nèt. 9 Kou sa ékri : « Bagaj-ya Bondjé préparé pou sa-ya i kontan, wéy-a pa wè yé, zorè-a pa tandé yé, é moun pa pouvé imajiné yé. » 10 Paské a pou nou Bondjé di sa bagaj-ya grasa so lèspri, pas lèspri-a ka fouyé tout bagaj, menm bagaj Bondjé ki fon. 12 Mé nou, sa nou rousouvwè, a pa lèspri monn-an, mé a lèspri ki ka vini di Bondjé, pou nou pouvé konnèt bagaj Bondjé bay nou ké plézi. 16 A vré, « kimoun ki rivé konnèt fason Jéova ka réfléchi, pou i pouvé di li sa i divèt fè » ? Mé nou, nou gen mantalité Kris-a.