Marc

10 Anplis di sa, anvan sa, a pou yé préché bon nouvèl-a pou tout nasyon-yan. 13 Tout moun ké rayi zòt akoz di mo non. Mé sa-la ki ké rivé tchenbé jiska lafen, a li ki ké sové. 27 É apré sa, i ké voyé zanj-ya é i ké rasanblé sa-ya i chwazi ki ka vini di tout koté asou latè-a, dipi roun bò syèl-a jik ròt bò syèl-a. 29 Menm fason-an, lò zòt ké wè sa bagaj-ya, a pou zòt savé ki i tou pròch, kousidiré i té douvan zòt lapòt. 32 « Sa jou-a ké sa lèr-a, pyès moun pa konnèt yé, ni zanj-ya annan syèl-a ni Pitit-a, mé Papa-a rounso. 33 Panga, lésé zòt wéy byen louvri, paské zòt pa savé kitan moman Bondjé chwazi-a ké rivé. 34 A kou roun wonm ki ka pati annan rounòt péyi. Anvan i pati, i ka lésé so sèrvitèr-ya jéré so kaz, i ka bay yé chak roun travay, é i ka di sa-la ki ka véyé lapòt-a panga. 35 Atò panga, paské zòt pa savé kitan mèt kaz-a ké vini : pita annan lajournen-an, anmitan lannwit-a ouben bònò bonmanten. 36 I ké rivé blip konsa, mé a pa pou i trouvé zòt la ka dronmi. 37 Sa mo ka di zòt, mo ka di l’ pou zòt tout : a pou zòt panga. »