Matthieu

9 Jézi monté annan bato-a, i viré janbé lanmè-a é i alé annan so vil. 12 Lò Jézi tandé yé, i di yé : « A pa moun ki gen bon lasanté ki bézwen dòktèr, mé a sa-ya ki malad. 13 Alé anprann a kisa sa lé di : “A mizérikòrd mo lé, a pa sakrifis mo lé.” Paské a pa moun ki jis mo vin aplé, a moun ki ka fè péché mo vin aplé. » 22 Jézi tounen, i wè l’ é i di l’ : « Kouraj, mo tifi ! To lafwa fè to géri. » É madanm-an géri lanmenm. 35 É Jézi té ka pasé annan tout vil-ya ké tout vilaj-ya : i té ka ansényé annan sinagòg, i té ka préché bon nouvèl Rwayonm-an é i té ka géri tout kalité maladi ké tout kalité moun enpyòk. 36 Lò i wè kantité moun ki té la, so tchò raché, paské yé té tou kanyankanyan ké pédi kou mouton ki pa gen bèrjé. 37 Alòr i di so disip-ya : « Rékòlt-a gran, mé i pa gen bokou ouvriyé. 38 Donk a pou zòt priyè Mèt rékòlt-a pou i voyé ròt ouvriyé annan so rékòlt. »