Marc

18 I gen ròt ankò yé sonmen anmitan pikan-yan. A sa-ya ki tandé paròl-a, 19 mé traka lavi-a annan sa monn-an, fo pouvwar richès-a ganyen ké tout kalité anvi ka plen yé tchò é ka toufé paròl-a, é akoz di sa, sa pa ka bay anyen. 24 I kontinyé : « Panga sa zòt ka tandé. Sa zòt ka sèrvi pou méziré pou moun a menm bagaj-a yé ké pran pou méziré pou zòt é yé ké menm bay zòt plis ankò. 26 I di ankò : « Rwayonm Bondjé-a a kou lò roun mouché ka jité plizyèr grenn asou roun moso latè. 27 Lannwit, i ka dronmi. Bonmanten, i ka lévé. É grenn-yan ka pousé é ka grandi san i pa savé kouman sa ka fèt. 28 Di li menm, latè-a ka bay piti piti : pou koumansé tij-a, apré sa zépi-a épi pou fini grenn ki antchè annan zépi-a. 29 Épi dipi grenn-yan mi, i ka pasé so sèrp paské moman-an rivé pou rékòlté. 36 Apré yé fè patché moun-yan pati, yé mennen l’ annan bato-a, kou i té fika, i té gen ròt bato anplis di sopa. 37 Atò roun gro tanpèt koumansé lévé. Bato-a té près plen ké dlo paské vag-ya té ka tonbé asou li. 38 Mé Jézi té dèyè é i té ka dronmi asou zoryé-a. Yé lévé l’ épi yé di li : « Ansényan, nou ké mouri, é sa pa ka fè to anyen ? » 39 Atò i lévé, i palé rèd pou van-an épi i di lanmè-a : « Silans ! Pé la ! » Van-an bésé épi i té gen roun gran akalmi. 40 Apré sa i di yé : « Poukisa zòt pè konsa ? Zòt pòkò gen lafwa alòr ? » 41 Mé, yé té pè menm, yé té ka di roun pou ròt : « Sa mouché-a, a kimoun ? Pas menm van-an ké lanmè-a ka obéyi l’ ! »