1 Corinthiens

2 pou asanblé Bondjé-a ki Korent, pou zòt yé sanktifyé kou Jézi Kris, pou zòt yé aplé pou divini sen, é osi pou tout sa ki, toupatou, ka rékonnèt non Sényèr Jézi Kris, yé Sényèr ké nou Sényèr : 10 Mo ka ankourajé zòt, mo frè-ya, annan non nou Sényèr Jézi Kris, pou zòt tout dakò annan sa zòt ka di é pou i pa gen pyès dézòrd anmitan zòt, mé a pou zòt ansanm ansanm roun fason ki parfè annan menm pansé-a ké annan menm lidé-a. 11 Paské roun ran moun annan kaz Kloé fè mo savé ki i gen sa koté zòt ki ka babyé ké yé konpanyen, mo frè-ya. 13 Ès Kris divizé ? A pa Pòl yé klouwé asou poto-a pou zòt, pa vré ? Ouben ès a annan non Pòl yé batizé zòt ? 20 Koté moun ki saj-a fika ? Koté èspésyalis Lalwa-a ? Koté moun-an ki kontan fè déba annan sa monn-an ? Ès Bondjé pa montré ki sajès sa monn-an sòt ? 23 mé nou menm, nou ka préché Kris yé maré asou roun poto, roun bagaj ka fè Jwif-ya tonbé é roun bagaj ki sòt pou nasyon-yan. 26 Paské zòt ka byen wè, mo frè-ya, ki lò Bondjé aplé zòt, i pa té gen bokou annan zòt ki té saj dapré monn-an, i pa té gen bokou ki té pwisan ni bokou grotchap 27 mé Bondjé chwazi sa ki sòt pou sa monn-an pou fè sa ki saj ronté, é Bondjé chwazi sa ki fèb annan monn-an pou fè sa-ya ki fò ronté, 28 é Bondjé chwazi sa ki pa gen valò annan sa monn-an ké sa yé ka méprizé, sa ki pa anyen, pou krazé sa ki ka krè ki yé gen valò, 29 pou pyès moun pa vanté so kò douvan Bondjé. 30 Paské, a grasa li zòt ka fè rounsèl ké Jézi Kris ki fè nou konnèt sajès Bondjé-a, ki fè nou vin jis pou Bondjé, ki fè nou vin sen é ki libéré nou grasa ranson-an, 31 Pou sa fèt kou sa ékri : « A pou sa-la ki ka vanté so kò, fè l’ parapòrta Jéova. »