Proverbes

21 Tchò roun rwa kou ti larivyè annan lanmen Jéova. I ka fè li alé tout koté i lé. 2 Roun moun ka krè tousa i ka fè bon, mé Jéova ka byen gadé sa i gen annan tchò-ya. 4 Wéy ké tchò roun moun latè pa ka poté kou roun lalanp ka kléré moun mové, é a roun péché. 5 Asiré pa pitèt, moun-an ki ka byen travay ka pran tan byen kalkilé sa i ka fè é a sa ki ka fè so zafè maché ; parkont, tout sa ki ka fè yé bagaj présé présé ké fini pov. 13 Sa-la ki ka fronmen so zorè pou i pa tandé maléré-a ki ka rélé, yé pa ké réponn li non plis lò li menm ké rélé. 17 Sa-la ki kontan anmizé a mizè ka antann li ; sa-la ki kontan diven ké dilwil-a pa ké vin rich. 19 Miyò to rété annan dézèr-a pasé to ké roun madanm ki pa ka las babyé é ki ka nèrvé vit. 21 Sa-la ki ka kouri dèyè lajistis ké lanmou fidèl-a ké jwenn lavi, lajistis ké laglwar. 30 I pa gen ni sajès, ni entélijans, ni konsèy si yé pa ka alé annan sans Jéova. 31 Yé ka préparé chouval-a pou jou konba-a, mé a Jéova ki ka sové.