Chant de Salomon

6 Mété mo kou roun mark asou to tchò, kou roun mark asou to bra, paské lanmou fò kou lanmò ; fidélité-a solid kou Tonm-an. Flanm lanmou, a difé, flanm Ja-a. 7 Pyès gro dlo pa pouvé étenn lanmou-a é pyès larivyè pa pouvé charyé l’. Si roun moun té ka bay tout richès i gen annan so kaz pou achté lanmou, pyès moun pa té ké lé sa richès-ya. » 8 « Nou gen roun ti sò ki pòkò gen tété. Kisa nou ké fè pou nou sò jou-a roun moun ké vin doumandé maryé ké li ? » 9 « Si i sa roun miray, nou ké fè roun tour an arjan asou l’. Mé si i sa roun lapòt, nou ké baré l’ ké roun planch an sèd. » 10 « Mo sa roun miray, é mo tété kou dé tour ki byen rot. Konsa i pouvé wè ki mo lèspri an pè.