Genèse

18 Asiré pa pitèt, Abraam ké divini roun nasyon ki gran ké fò, é grasa li tout nasyon asou latè-a ké béni. 20 Alòr Jéova di : « Mo ka tandé yé rélé fò kont Sodòm ké Gomòr, é péché yé fè-a grav. 21 Mo ké désann wè si yé ka fè sa mo tandé vré. É si a pa sa, mo ké savé. » 23 Atò, Abraam vansé é i di : « Ès to ké vréman fè moun-an ki jis mouri ansanm ké moun-an ki méchan ? 25 Nou pa menm pouvé pansé ki to ka fè sa kalité bagaj-a : to pa ka fè moun-an ki jis mouri ké moun-an ki méchan é to pa ka fè moun-an ki jis trapé menm pinisyon ké sa-la ki méchan. Non, to pa pouvé fè roun bagaj konsa ! Ès Jij tout latè-a pa ké fè sa ki jis ?