Hébreux
18 Donk, Bondjé tiré koumannman-an ki té la anvan paské i fèb é i pa ka maché. 19 Paské Lalwa pa fè anyen vin parfè. Mé nou vin gen roun pi bon èspwar, é a sa ki fè bagaj-ya vin parfè. É grasa sa èspwar-a, nou ka vin pi pròch di Bondjé. 23 Anplis di sa, bokou té oblijé divini prèt roun dèyè ròt paské lanmò té ka anpéché yé rété prèt ; 24 mé kou i ka viv pou tout-tan, pyès moun pa ké divini prèt a so plas. 25 Donk, i pouvé sové konplètman osi sa-ya ki ka vini òbò Bondjé grasa li, paské i toujou vivan pou sipliyé pou yé. 26 A byen sa kalité granprèt-a nou té bézwen, roun gran prèt ki fidèl, inosan, pròp, séparé ké moun ki ka péché épi pi rot pasé syèl-a. 27 I pa kou ròt gran prèt-ya, i pa bézwen fè sakrifis chak jou, pou so pròp péché pou koumansé épi apré pou péché pèp-a, paské i fè l’ rounsèl kou pou tout-tan lò i bay so pròp lavi.