Révélation

20 É mo wè roun zanj désann di syèl-a ké laklé trou-a ki pa gen fon épi roun gran chenn annan so lanmen. 2 I tchenbé dragon-an, sèrpan ki té la dipi koumansman-an, ki sa Djab-a ké Satan, é i maré l’ pou 1 000 lannen. 3 É i jité l’ annan roun trou san fon, i fronmen trou-a dou pou i pa bloublou nasyon-yan jistan 1 000 lannen-yan fini. Apré sa, yé ké lagé l’ pou roun tibi tan. 5 (Ròt moun mouri-ya pa roukoumansé viv anvan 1 000 lannen-yan fini.) A sa ki prémyé rézirèksyon-an. 6 Sa-ya ki annan prémyé rézirèksyon-an yé sen é yé pouvé gen tchò kontan ; dézyèm lanmò-a pa gen pouvwar anlè yé, mé yé ké prèt Bondjé ké Kris, é yé ké dirijé ké li pannan mil lannen-yan. 7 Lò 1 000 lannen-yan ké fini, yé ké fè Satan soti di so lajòl, 10 É Djab-a, ki té ka fè yé pédi yé chimen, yé jité l’ annan lak difé ké souf-a, koté i té ja gen bèt féròs-a ké fo profèt-a, é a la yé ké rété lannwit kou jou pou tout-tan. 11 É mo wè roun gran tronn blan ké sa-la ki té asiz asou l’. Latè-a ké syèl-a pran kouri douvan li é i pa té gen plas pou yé ankò. 12 É mo wè moun mouri-ya, piti kou gran, yé té dibout douvan tronn-an é yé louvri roulo-ya. É yé louvri rounòt roulo ; a roulo lavi-a. Yé jijé moun mouri-ya dapré bagaj ki té ékri annan sa roulo-ya, dapré sa yé fè. 13 É lanmè-a randé moun mouri-ya ki té annan li, é lanmò-a ké Tonm-an randé moun mouri-ya ki té annan yé, é yé jijé yé, yé chak soulon sa yé fè. 14 É yé jité lanmò-a ké Tonm-an annan lak difé-a. Lak difé-a ka réprézanté dézyèm lanmò-a. 15 É tout sa yé non pa té marké annan liv lavi-a, yé jité yé annan lak difé-a.