Matthieu

13 A pou sa mo ka sèrvi èkzanp pou palé ké yé ; paské yé ka gadé, mé yé pa ka wè anyen, é yé ka tandé, mé yé pa ka kouté é yé pa ka konprann. 14 Profési Izayi ka fèt annan yé sitiasyon. Men sa i ka di : “Zòt ké tandé, mé zòt pa ké konprann anyen, é zòt ké gadé, mé zòt pa ké wè anyen. 15 Wi, tchò sa pèp-a divini rèd ; yé fronmen yé zorè épi yé fronmen yé wéy, pou yé pa ni wè ké yé wéy, ni tandé ké yé zorè, ni konprann ké yé tchò, ni viré òbò mo pou mo géri yé.” 19 Lò roun moun ka tandé paròl Rwayonm-an mé i pa ka konprann li, atò méchan-an ka vini é i ka raché tousa ki té sonmen annan so tchò ; a sa ki grenn-yan ki tonbé òbò chimen-an. 21 Mé, kou sa paròl-a pa ka fè rasin annan so tchò, i pa ka tchenbé lontan. É lò to wè éprèv ouben pèrsékisyon ka tonbé asou l’ akoz di paròl-a, i ka tonbé. 22 Sa yé sonmen anmitan pikan-yan, a roun moun ki ka tandé paròl-a, mé traka lavi-a ké fo pouvwar richès-a ganyen ka toufé paròl-a, é akoz di sa, sa pa ka bay anyen. 33 I bay yé rounòt èkzanp : « Rwayonm-an ki annan syèl-a kou lèlven roun madanm ka pran é ka mélanjé ké trwa gro pot farin, é tout lapat-a ka monté. » 34 Jézi sèrvi roun patché èkzanp pou di moun-yan tout sa bagaj-ya. Lò i té ka palé pou yé, i toujou té ka sèrvi èkzanp. 38 Chan-an, a monn-an. Bon kalité grenn-yan, a pitit Rwayonm-yan. Vyé zèrb-a, a pitit méchan-an, 39 « é lèlmi-a ki sonmen l’, a Djab-a. Rékòlt-a, a lafen sa monn-an, épi sa-ya ki ka rékòlté, a zanj-ya. » 41 Pitit wonm-an ké voyé so zanj-ya, é yé ké ranmasé tout sa ki ka fè ròt-ya péché é ki ka fè mové bagaj é yé ké mété yé dèrò di so rwayonm, 43 A sa lépòk-a, sa-ya ki jis ké kléré kou solèy-a annan Rwayonm yé Papa. Sa-la ki gen zorè pou tandé, tandé ! 44 « Rwayonm-an ki annan syèl-a kou roun trézòr yé séré annan roun chan. Roun mouché ka trouvé li é i ka viré séré l’. É afòrs i kontan, i ka alé vandé tousa i gen épi i ka achté chan-an. 47 « Rwayonm-an ki annan syèl-a kou roun filé lapèch osi, roun filé yé ka lagé a lanmè é ki ka pran tout kalité poson. 48 Lò i plen, péchò-ya ka rédi l’ jik asou laplaj-a. Apré sa, yé ka asiz, yé ka mété bèl poson-yan annan panyen é yé ka jité sa-ya ki pa bon. 49 A sa ki ké fèt lò lafen sa monn-an ké rivé. Zanj-ya ké mété moun ki méchan asou roun bò é moun ki jis asou rounòt bò