Galates

13 Kris viré achté nou, é a konsa i libéré nou di malédiksyon Lalwa-a paské i pran nou plas pou li menm divini roun malédiksyon ; paské men sa ki ékri : « Malédiksyon asou tout moun yé maré asou roun poto. » 16 Sa promès-ya, a té pou Abraam ké so pitit. Yé pa di « é pou pitit di to pitit », sa lé di bokou moun, mé « é pou to pitit », sa lé di rounsèl moun, Kris. 19 Alòr, poukisa i té gen Lalwa ? Yé mété l’ osi pou fè moun byen wè péché-ya, jistan désandans yé té fè promès-a rivé ; é a zanj ki bay sa Lalwa-a, grasa roun médyatèr. 28 I pa gen ni Jwif ni Grèk, i pa gen ni èsklav, ni sa ki lib, i pa gen ni mouché ni madanm, paské zòt tout ansanm zòt ka fè rounsèl ké Jézi Kris. 29 Anplis di sa, kou zòt di Kris, zòt sa vréman désandans Abraam-an, zòt érityé parapòrta roun promès.