Nombres

6 Apré sa, Jéova di Moyiz : 2 « Di Israyélit-ya : “Si roun mouché ouben roun madanm ka fè roun vé èspésyal pou viv kou roun naziréyen pou Jéova, 3 i pa ké bwè ni diven ni pyès ròt kalité alkòl. I pa ké bwè ni vinèg fèt ké diven ni vinèg fèt ké ròt kalité alkòl. I pa ké bwè pyès bagaj ki fèt ké rézen é i pa ké manjé pyès kalité rézen, pa menm rézen sèk. 4 Tout tan i ké sa roun naziréyen, i pa ké manjé pyès bagaj ki ka vini di roun pyé rézen, ki a rézen vèrt-a ki a lapo rézen-an. 5 « “Tout tan i ké sa roun naziréyen soulon vé i fè-a, i pa ké razé so tèt. I ké lésé so chivé pousé pou i rété sen jiktan jou-ya i divèt rété séparé pou Jéova fini. 6 I pa ké vin bò d’ roun moun mouri pannan tout tan i divèt rété séparé pou Jéova. 7 Menmsi so papa, so manman, so frè ouben so sò ka mouri, i pa ké pouvé sali so kò, pas so chivé, a roun sign ki ka montré ki i sa roun naziréyen pou so Bondjé. 8 « “I sen pou Jéova tout tan i sa roun naziréyen. 24 ‘A pou Jéova béni to ké protéjé to. 25 A pou Jéova fè so vizaj kléré asou to é a pou i bay to so favèr. 26 A pou Jéova lévé so tèt pou i gadé to é a pou i bay to lapè.’” 27 É yé ké divèt mété mo non asou pèp Israyèl-a, pou mo béni l’. »