Jean

2 Yé ké mété zòt dèrò di sinagòg-a. Wi, lèr-a ka rivé koté moun-yan ké tchwé zòt é yé ké krè ki a pou Bondjé yé fè sa. 12 « Mo gen bokou bagaj pou di zòt ankò, mé zòt pa pouvé konprann yé aprézan. 17 Atò, men sa déztrwa disip té ka di yé konpanyen : « Kisa i lé di lò i ka di nou : “Titalò zòt pa ké wè mo ankò, mé roun ti moso tan apré, zòt ké wè mo” épi lò i ka di “Paské mo k’alé òbò Papa” ? » 18 Donk yé té ka di : « Kisa i lé di lò i ka di “titalò” ? Nou pa savé di kisa i ka palé. » 19 Jézi té savé ki yé té lé pozé li késyon, a pou sa i di yé : « Zòt ka kozé ansanm pas mo di : “Titalò zòt pa ké wè mo ankò, mé roun ti moso tan apré, zòt ké wè mo” ? 23 Sa jou-a, zòt pa ké pozé mo pyès késyon. Wi, sa mo ka di zòt, a lavérité : si zòt ka doumandé Papa-a roun bagaj annan mo non, i ké bay zòt sa zòt doumandé-a. 24 Jik aprézan zòt pa doumandé anyen ké mo non. Doumandé é zòt ké rousouvwè, pou zòt lajwa i antchè. 26 Sa jou-a, zòt ké doumandé Papa-a bagaj an mo non, mé lò mo ka di sa, sa pa lé di ki a mo ki ké doumandé sa bagaj-ya pou zòt. 27 Paské Papa-a li menm kontan zòt ké tout so tchò, paské zòt montré zòt té kontan mo é paské zòt té sir ki mo té vini pou réprézanté Bondjé. 32 Kouté ! Moman-an ka vini, i jis rivé menm. A sa moman-an, yé ké fè zòt pati tout koté, chak moun ké chapé annan so kaz, é zòt ké lésé mo tousèl. Mé mo pa tousèl, paské Papa-a la ké mo. 33 Mo di zòt sa bagaj-ya pou zòt gen lapè grasa mo. Annan monn-an, zòt ké gen éprèv, mé pran kouraj ! Mo ganyen monn-an !