Daniel

31 I ké voyé so larmé ki ké lévé ; yé pa ké rèspèkté koté ki sakré-a menm, fòrtérès-a, yé ké tiré sakrifis-a ki ka fèt chak jou. « Bagaj-a ki sal toubonnman é ki pouvé fè moso déga ké pran plas. 34 Mé lò yé ké fè yé tonbé, i ké gen moun ki ké vini idé yé roun tibi ; bokou moun ké itilizé kozé ipokrit pou vin jwenn yé. 40 « Annan tan lafen-an, rwa di Sid-a ké pousé li é yé ké koumansé briga, é rwa di Nòr-a ké jité so kò asou li ké so char, ké moun ki asou chouval ké patché bato ; é i ké anvayi sé péyi-ya é i ké tonbé asou yé koun gro vag lanmè. 41 I ké antré annan Bèl péyi-a osi, é rounlo patché péyi ké tonbé. Mé men sa-ya ki ké chapé anba so lanmen : Édòm, Moab ké parti ki pi enpòrtan-an annan fanmi Amonit-ya. 45 I ké monté so tant ki pou rwa-ya ant gran lanmè-a ké montangn sen-an ki annan Bèl péyi-a. Atò so lafen ké rivé, é i pa ké gen pésonn pou idé l’.